اللولب :

اللولب يعتبرالوسيلة الأكثر شيوعا في العالم العربي وهو وسيلة قديمة جدا ليه اشكال كثيرة ومتنوعة لكن فكرة اللولب ثابتة متغيرتش فاللولب هو عبارة عن شئ بيدخل داخل الرحم وبياخد نفس شكل الرحم و بيمنع الحمل ليس عن طريق منع التبويض ولكن يمنع أن البويضة المخصبة تلتصق بجدار الرحم ويحدث الحمل .

مزايا اللولب:

انه ما بيدخلش ولا بيلعب في هرمونات الجسم وانه سهل يتحط على طول ويمنع الحمل وفي نفس الوقت لما بيتشال بترجع الخصوبة على طول ويمكن يحدث حمل مباشرة بعكس منع الحمل عن طريق الهرمونات .

وان الست مش ملتزمة بمتابعة شئ سواء المواعيد او اخذ برشام ولكن هو بيتحط مرة وبيقعد حسب مدة كل نوع في نوع ممكن يقعد 10سنين او 5 او 3 سنين.

أنواع اللولب :

1) اللولب المعدن اقدام انواع اللولب وظهر في السبعينات و مزاياه انه مالوش اى هرمون خالص ولكن عيبه الكبير انه يسبب تقلصات في الرحم فـ مع الدورة الشهرية يسبب نزيف جامد ينتج عنه فقر الدم بسبب خسارة دم كتير.صالح لمدة 10 سنوات وممكن يسبب آلام في فترة الحيض أشد لكنه فعال في منع الحمل بشكل كويس.

2) لولب ميرينا (ليفونورجيستريل) يعمل بنفس الطريقة بأنه يمنع التصاق البويضة المخصبة بجدار الرحم وله ميزه اكثر ان الهرمون بـ يقلل سمك جدار الرحم فـ مش بيحصل النزيف والآلام اللي بتحصل في فترة الحيض مع اللولب المعدن وهو يقلل من فترة الحيض وفي أوقات يخففها لكن الست عربية بطبيعتها تحب انها تجيلها فترة الحيض عشان تشعر
بالطهارة لما تخلص فـ النوع ده مش مستحب لكثير من السيدات.صالح لمدة 5 سنوات فقط.

3) لولب السكاي لا يشبه اللولب الثاني في الهرمون ولكن هرمونه أقل و حجمه اقل و الست بيجيلها الدورة الشهرية منتظمة وهو صالح لمدة 3 سنين فقط
طبعا لازم تستشير طبيبك المعالج في الوسيلة المناسبة ليكي و لحالتك وايه النوع المناسب والمريح.