معظم تغييرات الجلد بتكون طبيعية مافيهاش مشاكل لكن بتكون مزعجة للأهل خصوصا لو كان أول طفل وليها اكثر من نوع :

النوع الأول:

الصفرة
وهى اصفرار الجلد وهى تحدث نتيجة لزيادة نسبة الصبغة الصفراء في الدم لو البيبي لون جلده فاتح بنعرف نلاحظها على لون جلده ولو جلده غامق بنقدر نلاحظها على لون بياض العين.
ولو حدث و لاحظتي اصفرار الجلد أو العين يجب المتابعة مع الطبيب المعالج

وأسباب الصفرة فسيولوجية وليست مرضية ولكن الصفرة الفسيولوجية ممكن تؤثر على المخ وتؤدي إلى مشاكل في الغشاء الفاصل بين الدم والمخ وممكن تسبب إعاقات ومشاكل وخيمة. فالخلاصة هي أي صفرة لازم متابعة مع الطبيب المعالج والطبيب بيحدد نسبة الصفرة ولو اكتشف انها عالية جدا بيطلب عمل اشعة فوق البنفسجية أو وضع البيبي في حضانة للعلاج من الصفرة.

النوع الثاني :
التهاب الجلد المثي
هو من أنواع الطفح المنتشرة بين الأطفال و بتكون مزعجة وفي بعض الأحيان بتظهر على دماغ البيبي في شكل قشرة وظهورها ليس له أى علاقة بالنظافة هو بيجي نتيجة تغيرات هرمونية في جسم الأم وقت الحمل وليس له أى ضرر و بياخد وقته و بيختفي وممكن يظهر في أماكن تانية في الجسم و بتكون زي القشر وأوقات الطبيب بينصح بوضع زيت زيتون أو فازلين عشان يطري القشور و تطلع وهي برضو هاتاخد وقتها وتختفي.

النوع التالت:
دخينات الوليد وهي ايضا طفح جلدي بيظهر و بيختفي وليس له أي ضرر على المولود والحبوب بتكون مليانة بمادة الكيراتين وليس معروف لها سبب لظهورها حتى الآن.

النوع الرابع:
الحمامة السمية
هو منتشر جدا بيظهر بين 40 ل 70 % من الأطفال حديثي الولادة وهو ليس له ضرر طالما الطفل بيرضع وليس لديه حرارة أو مشكلة ولكن لو حدث أى مؤشر غير طبيعي فمن الأفضل متابعة الطبيب المباشر, بالنسبة لهذا الطفح فهو بياخد وقته و بيختفي في الأغلب بعد مايتم الطفل شهر من عمره.

النوع الخامس:
حب الشباب لدى حديثي الولادة
بيظهر للمولود نتيجة لتغيرات الهرمونات لدى الأم وقت الحمل فـ بيخلي المولود يظهر له الطفح ده وهو يتطلب المراقبة والمتابعة فقط مافيش له أى كريمات ولكنه بيتحسن وبيختفي لوحده.

النوع السادس:
البقعة المنغولية
هي طفح منتشر أكثر في الوطن العربي وهى عبارة عن غمقان في لون الجلد و بتكون موجودة أكثر في المنطقة السفلى لدى المولود وهى بتخض لان شكلها كأن الطفل اتعرض لكدمة جامدة و بتظهر وقت الولادة وهذا الطفح اكتشفه العالم (إيروين بالس) وأول ماشافها كانت عند الأطفال المنغوليين
وهى ايضا هتاخد وقتها وهـ تختفي في بعض الأحيان ممكن تستمر لسنة أو سنتين وفي بعض الاحيان لحد ما الطفل يتم 5 سنين.

النوع السابع
تورم الأوعية الدموية :
كان هناك اعتقاد قديما ان الورم ده على شكل فراولة لأن الأم توحمت على فراولة و مكلتهاش فظهرت على الطفل ولكنها هي عبارة عن أوعية دموية شكلها كبير فـ بتظهر على الشكل ده ممكن شكله يكون كبير وواضح لحد سنة من عمر الطفل ولكن بعد كده بيبدأ يختفي .في تغيرات جلدية بتظهر على شكل وحمات ممكن تستمر لمدى الحياة ولكنها ليس لها أي ضرر 

النوع الثامن:
الاكزيما
وهي بتظهر في السن الأكبر بعد شهر أو شهرين من عمر الطفل بعد الولادة و بتكون نتيجة التهاب أو حساسية الجلد من شئ ما و بيظهر في وش  الطفل.