التطعيمات مهمة جدا جدا للطفل، في السن ده مناعته بتبقى ضعيفة وبرضو التطعيمات الموجودة دلوقتي ضد أمراض كانت قبل كدا بتسبب مشاكل صحية كبيرة جدا كانت بـ تؤدي إلى وفاة الطفل أو إلى إعاقات ممكن تؤثر على صحته على المدى الطويل لذلك فمن أهم الحاجات هي التطعيمات ومش هـ خوض في تفاصيل كتيرة أوي في التطعيمات لأنها بتختلف من دولة لدولة ومن مكان لمكان.

هاعرض كمثال جدول التطعيمات هنا في الولايات الأمريكية المتحدة، من الحاجات الملحوظة هنا هى تطعيم التهاب الكبد الوبائي اللي بيدوه للأطفال في سن صغير جدا وتطعيمات طبعا البكتريا التيتانوس الي هي (السعال الديكي) وشلل الأطفال والسحايا من الحاجات اللي بيدوها في أماكن كثيرة في العالم العربي وتطعيمات ضد الجدري المائي برضو بيدوها في أمريكا وفي بعض الأماكن في العالم العربي .

ده لأن السل من الأمراض المزمنة اللي بتصيب أماكن كتير في العالم العربي بيدوا تطعيم ال بي سي جي اللي هو بـ يقي من مرض السل بس ده مش بيدوها في أمريكا , التطعيم التاني اللي هو التيفود اللي منتشر برضو في بعض الأماكن في العالم العربي بس دا  مش بيتاخد في أمريكا.

طبعا في اختلافات تانية اكتر واسئلة تانية اكتر بس هي دي الحاجات اللي حبيت اتكلم فيها بخصوص التطعيمات أي تطعيم الطبيب المعالج بيشوفوا صالح لطفلك من الأحسن ان احنا نعمله ونديه للطفل عشان نقيه من أي أمراض ممكن تؤثر على حالته وحياته وصحته بعد كدا.
وبكدا نبقى وصلنا لنهاية المساق بتاعنا مساق الأمومة والطفولة.

وأحب أولا اشكركم على اهتمامكم بالموضوع المهم دا واحب اطمن كل المتابعين لينا اننا بالرغم من أننا ذكرنا كل السلبيات اللي ممكن تحصل في الآخر معظم الناس مش بيحصلها مشاكل كتير من الحمل دا في الاخر بيبقي وقت سعيد جدا للأسرة بتفتكروا لبقية العمر.

النصيحة الثانية هي ان كتر القراءة وكتر المعلومات بـ يساعد على بناء ثقة الأهل على قدرتهم في التعامل مع المولود الجديد ومع التغيرات اللي بتحصل في فترة الحمل والولادة وما بعد الولادة .

النصيحة اللي دايما بفكر المرضى بتوعي بيها هى المقولة من ستيف جوبس اللي بيقول فيها (لا تدع أصوات الآخرين تغرق صوتك الداخلي )
طبعا أنا بؤمن بإن كل أب وكل أم في جواه صوت داخلي صادق بيحس بطفله و  بيحس باحتياجاته .

المعلومات بـ تساعده على انه هو يتعامل مع الأمور بشكل صحي لكن في الأخر لو احساسك بيقولك حاجة معينة الافضل ان احنا نتبع الاحساس ده ومانستغرقش كتير في القلق والمشاكل لأن زى ماقلت الفترة دي بتكون سعيدة على الأب والأم والاسرة بالكامل

لو في اي اسئلة تانية احب اني اسمعها في منتدى النقاش وأحب أن اجاوبها ويارب تكون المعلومات اللي قدمناها وهـ نقدمها ليكون تكون مفيدة ليكم ولـ أسرتكم.