جرح الولادة الطبيعية والقيصرية وطرق تقليل الآلام

-ايان كانت طريقة الولادة طبيعية أو قيصرية فلا بد من  الجرح.
جرح الولادة الطبيعية بيكون في المنطقة السفلى وده بيحتاج رعاية خاصة ونقدر نقلل ألم هذه المنطقة عن طريق :

1) وضع ثلج لأنه بـ يقلل الورم و الاحتقان.
2) المسكنات زى البروفين بتقلل من الألم والورم.
3) الملابس الداخلية تكون قطنية وفضفاضة عشان نتجنب حدوث التهابات.
4) الماء الدافئ ممكن الجلوس في مياه دافية حوالى تلت ساعة من مرتين لثلاث مرات في اليوم وده بيساعد في التئام الجرح ونظافته ومنع التهابات.
5) وضع النوم والجلوس تجنب الجلوس على المنطقة دي ومن الأفضل النوم على جنبها.
لو حصل أى اعراض زى احمرار- التهابات شديدة - افرازات ذو رائحة وشكل غريب أو أى ورم شكله غير طبيعي دى مؤشرات بأن ممكن يكون حصل مضاعفات في المنطقة دي ويجب استشارة الطبيب المعالج.

جرح الولادة القيصرية وانواع الخياطة

أما بالنسبة لجرح الولادة القيصرية بتختلف على حسب خياطة الجرح
1) في نوع خياطة الجسم بـ يمتصها بعد فترة فـ مفيش داعي للذهاب لفك الجرح.
2) في نوع خياطة بـ تطلب المتابعة مع الطبيب لفك الخياطة.
3) الخياطة بالتدبيس بـ تطلب أيضا متابعة الطبيب عشان فك التدبيس.

- وبيحصل نزول دم لفترة 6 أسابيع لكن بعض السيدات ممكن تزيد معاها المدة او تقل.
والنزيف بيختلف من الولادة الطبيعية لـ ولادة القيصرية
ومعدل الدم بيشبه فترة الحيض فـ لسيدة ممكن تغير من 4 -6 فوط صحية لو النزيف زاد عن كدا من الأفضل استشارة الطبيب المعالج لتجنب أي خطورة.

-الاعتناء بـ الثدي والحلمة:
1) لبس ملابس داخلية قطنية وفضفاضة حتى لا يتسبب أي التهابات

-العلاقة الزوجية:
يجب أن تكون المنطقة السفلي ملتئمة تماما بدون اى جروح او التهابات حتى لا يتسبب أي ألم أو أى مضاعفات جسدية ونفسية للسيدة.

-وسائل تنظيم النسل:
تكون حذرة في العلاقة الزوجية حتى لا يحدث حمل بعد الولادة مباشرة.