1-استحمام الرضيع:

حسب الحرية الشخصية للأم لكن لو استحمى كل يوم مفيش ضرر من ده لكن من المهم تنظيف الطفل جيدا من آثار اللبن ومكان الحفاظة .
ولازم يتم تنظيف الطفل لأن جسمه بيكون فيه عرق و وبر، فلازم يتم تنضيفه عشان متسببش له التهابات على الاقل كل يومين تلاتة ليس أكثر من ذلك.
وأول استحمام للطفل بيكون لسة الحبل السري موجود فـ من الضروري اننا ما نجبش عنده مياه عشان ينشف و يسقط وما يفضلش مبلول فـ نحميه بفوطة أو اسفنجة من غير مانغطس جسمه كله في المياه.

- الطقس في الغرفة لابد ان يكون مناسب وتكون كل المعدات متوفرة في الغرفة و مش لازم استخدام صابون كتير لان كثرة الصابون ممكن يتسبب له في التهابات.
-والمفروض نبدأ بتنظيف وجه وعين الطفل اول حاجة لانها أكثر منطقة حساسة وأنضف منطقة والانتهاء بتنظيف الرأس والمنطقة السفلى لأنها أكثر منطقة فيها ميكروبات فبنسبها للآخر.
وفي بعض الأهالي بتفضل تنضف وجه الطفل في قارورة منفصلة لضمان سلامة ونظافة المياه وده بيكون أفضل.
وعدم استخدام صابون على وجه البيبي عشان ممكن يسبب له حساسية أو يجي في بقه او ايده عشان الصابون مبيركزش في ايده وكمان البيبي دايما بيحط ايده في بوقه.

2-الاهتمام بالأظافر:

هناك قصافات للطفل لتقليم أظافره ولكن من الأفضل استخدام مبرد لان الضوافر بتكون ناعمة وطرية جدا وقصها بالقصافة ممكن يسبب جروح لايده وممكن تلتهب فـ المبرد آمن بيقصر الأظافر خوفا من الأطفال تخربش نفسها فلازم تتأكد من الأظافر قصيرة.

3- الكريمات والزيوت للأطفال:

ممكن نستخدم زيوت طبيعية فقط خالية من المواد الكيميائية، وتكون ملهاش رائحة قوية ولا ملمس تقيل نظرا لحساسية جلد الأطفال.

4- الحفاظات:
في منها نوعين النوع الأول اللي يستخدم مرة واحدة ويترمي وده الأكثر شيوعا  والنوع التاني الحفاضات القطنية اللي كانت تستخدم قديما فهي صعبة في تنظيفها لكنها ارق واخف على جلد الطفل.

5- تنظيف المنطقة السفلية للمولود:
في أول شهر يفضل استخدام المياه فقط لان المناديل المبللة بتكون فيها مواد كيميائية كتير وده مضر لجلد الطفل ممكن يسبب له حساسية واحمرار ولكن ممكن نلجأ لها في اضيق الظروف أو خارج المنزل، لكن نتأكد جيدا انها لحديثي الولادة وانها خالية من الكحول والتأكد من تنظيف الطفل جيدا من البول والبراز عشان ميتسببلوش  فى  اى حساسية أو التهابات ويجب التأكد من تغيير الحفاظة مباشرة .

6- الكريمات المستخدمة للمنطقة السفلى:
كريمات كتير بتساعد على القضاء على الالتهاب زى الكريمات اللي بتحتوي على فازلين وزنك و كريمات بيضاء .لو في التهاب استمر لأكثر من 3 ل 4 ايام او لو دم او ألم شديد ,انتشار سريع للالتهابات,او حرارته عالية أو أعراض أخرى لازم تخليه يزور الطبيب المعالج عشان تتأكد ان مفيش التهابات فطرية