وسائل منع الحمل ،حبوب منع الحمل

وسائل تحديد,تنظيم النسل
 في أسر بتكون عاوزة فرق السن بين الأولاد يكون قليل فـ بيحصل حمل علي طول بعد الولادة الأولى
وأسر تانية بتكون عاوزة تسيب فرق العمر بين الأولاد فـ بتلجأ لوسائل منع الحمل لتنظيم النسل 

ومن الافضل طبيا أن الأسرة تستعيد صحتها وبالأخص الأم تكون استريحت من تأثير الحمل والولادة للمولود السابق

وسائل تحديد النسل عديدة :
1) الرضاعة وهى طريقة أثرية الناس استخدمتها عبر السنين والقرون اللي فاتت عن الطريق ان الرضاعة تمنع التبويض والحمل وده لان هرمون الرضاعة (البرولاكتين) بيعلى فـ بيقلل الهرمونات اللي بتساعد على التبويض بيمنع إفرازها من المخ فمش بيحصل تبويض أو حمل, ولكن عشان تنجح الوسيلة دي لازم تستوفي الشروط الآتية:
1- انقطاع الدورة الشهرية تماما وعدم حدوثها ولو مرة واحدة ولا كمية ضئيلة من الدم ماعدا ذلك فهي طريقة غير آمنة للاعتماد عليها كليا
2-لازم تكون بترضع المولود بشكل كافي و الطفل مش بياخد أى لبن صناعي و بيرضع من 5 ل 6 مرات في اليوم وده عشان يخلي هرمون الرضاعة عالي في جسم الست.
3-يكون الطفل أصغر من 6 شهور لأن هنشوف بعد كده ان الطفل اللي اكبر من 6 شهور يبتدي ياكل اكل خارجى ف ده بيخليه يرضع اقل وهرمون اللبن بينزل و ممكن تحصل حمل.

2) حبوب منع الحمل :
النوع الأول

حبوب منع الحمل الآمنة مع الرضاعة هى الحبوب اللي بتحتوي على مادة البروجسترون فقط واسمائها متعددة في أمريكا بتتسمى مايكرو جاستن وفايدة المادة دي انها بتمنع التبويض وفايدتها انها ممكن استخدامها بعد الولادة مباشرة ود لانه مش بيأثر على لبن الأم نهائي ولا يسبب أى تجلطات في الدم ولكن عيبه انه ممكن يلخبط الدم شوية أو ممكن يسبب نزيف.

النوع الثاني
حبوب منع الحمل المدمجة ودي تحتوي على هرمون البروجسترون وهرمون الاستروجين لأن هرمون الاستروجين المسؤول عن تجلط الدم ماينفعش الست الوالدة في الحال انها تاخده عشان ممكن يسبب تـ جلطات بعد الولادة ولكنها ممكن تبدأ تاخده بعد 3 أسابيع من الولادة وفي بعض الحالات للسيدات اللي ولدت قيصري أو مدخنة أو بدينة لازم نستنى فترة أطول من 3 أسابيع لحد 6 أسابيع .

هى عبارة عن هرمونات بتطفي هرمونات الست الطبيعية تمنع التبويض وبالتالي الحمل نفس الفكرة تكون على أشكال مختلفة
مثلا فوق الجلد
تحت الجلد
داخل المهبل
وفي أنواع بتتحقن
كل الفكرة انه الهرمون هو اللي بيقلل التبويض وبالتالي عدم الحمل.