نوم الرضيع 2

الطريقة الصحيحة للنوم للاطفال:
-الأكاديمية الأمريكية للأطفال بتقول ان الأطفال في عمر 6 أشهر ممكن ينام في نفس الأوضة مع الأم و الأب لكن في سرير منفصل.

-بعد سن ال 6 يتنقل لأوضة لوحده ممكن نمهد لده من قبلها لأن التدريج بيكون أفضل لكن علي ال6 شهور لازم يتم نقله في أوضة منفصلة .
ممكن يكون في أوضة ومعاه أهله عشان يتعود دى طريقة من الطرق وفي طرق تانية.

متلازمة وفاة الرضع:
والظاهرة دي موجودة ومنتشرة في العالم العربي
نسبته في أمريكا 1 من الألف أما في العالم العربي نسبته أضعاف كدا.

العوامل اللي لازم نتجنبها لتجنب ظاهرة متلازمة وفاة الوضع هى :
1) وضع النوم:
تغيير وضعية النوم الطفل ينام على ظهره بدل من النوم على ظهره والسبب ان الوليد وهو مولود عضلات رقبته بتكون ضعيفة جدا فلو نايم على بطنه وجات اى حاجة على وشه ممكن ده يسبب اختناق لان عضلات رقبته مش قوية كافية انه يرفع وشه ويتنفس لكن لو نايم على ظهره بيكون الموضوع مطمئن اكتر.

2) التدخين في البيت .

3) سن الأم .

4) عدم المتابعة مع الطبيب المعالج للرضيع .

5) نوع سرير الطفل اللي بيكون طري ممكن يسبب اختناق للطفل لكن لو السرير ناشف و مستوي ده بيخليه في غير عرضة للاختناق ومايكونش فيه مخدات ولا ألعاب .

6) حجم الطفل: لو وزنه صغير أو اتولد قبل ميعاده.

7) ارتفاع درجة حرارة الجسم عشان خطأ شائع وهو كلفته الرضيع بأكتر من غطاء فـ الرضيع  محتاج يلبس طبقة واحدة زيادة عن اللي الأهل لابسينه.

8) الإرتجاع :
50 % من الأطفال بيحصلهم ارتجاع مالهاش أى ضرر الا لو أثرت على وزن الطفل أو لو هو بيعيط مع الارتجاع أو لو شكله بيقطع النفس أو بيتشد جسمه دى مؤشرات خطيرة لابد أن يأخذ لها علاج يعالج هذه الحالة و ده بيحصل ل 20% من الأطفال و بتختفي الظاهرة دى لما عمر الطفل بيقرب من السنة.