شكل رأس الرضيع

شكل رأس الرضيع في أول أسبوع أو أسبوعين من الولادة بيكون متأثر بالولادة لو الولادة طويلة بتكون الرأس طويلة شوية وده بياخد وقت والرأس بـ ترجع لشكلها الطبيعي

شكل رأس البيبي

والشكل الطبيعي للرأس بيكون فيها فراغات مافيهاش عضم بس بيكون فيها غضروف وفي غضروف أمامي بيكون حجمه 2 سم والخلفي بيكون 0.5 سم ووظيفة الفراغات دي وقت الولادة رأس الطفل بتخرج من مكان ضيق جدا فلو رأس الطفل كلها عضم ده هايكون فيه صعوبة أثناء الولادة، و لما الطفل يكبر المنطقة اللي فيها لغضروف دي هتتملي عظم وعند  عمر سنة ونصف للطفل هتكون الرأس بقيت ناشفة تماما عمر سنة ونصف للطفل هتكون الرأس بقيت ناشفة تماما.

وطبعا عشان رأس الطفل بيكون طري والمخ طري لازم نتعامل معاه بحذر ولطف اكتر بالذات في المناطق الطرية في دماغ البيبي

الحفاظ على تقليب البيبي لتتساوى شكل رأسه

ولازم الحرص ايضا على وضعية نوم الطفل على رأسه لانها بتكون طرية لازم ينام على الجنب اليمين واليسار بالتساوي عشان شكل الرأس متتأثرش ونقلبها على الجانبين

نظر الإنسان 6/6 VS نظر البيبي 6/600

انتباه الطفل وحركة عينه ممكن يكون باصص في الهوا وتطرف أو تحول يمين شوية وده طبيعي في الفترة الأولى وتنبيه ان نظر البيبي ضعيف جدا لو الإنسان نظره 6/6 فنظر الرضيع بيكون 6/600 ومش بيعرف يبص في الأطراف هو بيركز في النص فقط وممكن عينه تحدف يمين شوية وشمال شويةوده طبيعي في أول شهر أو شهرين.

عدم هز البيبي

لو البيبي بيعيط وحصل توتر للأم انها مش عارفة تتصرف فـ ممكن تلجأ انها تهز البيبي شوية عشان يسكت فده خطأ شائع جدا فهز البيبي في الفترة دى غلط جدا و ممكن يسبب متلازمة خضخضة الرضيع ودى ممكن تؤدي الى ضرر في المخ والنظر ممكن يستمر معاه لحد مايكبر الاحسن بدل الهز الجامد نحاول نتعامل معاه بلطف ورقة عشان كل حاجة فيه ضعيفة و صغيرة.