أول لما الطفل يطلع من بطن امه لازم يتنشف كويس عشان درجة حرارته تتظبط ودراسات كتير أكدت أن أفضل طريقة لـ تظبيط درجة حرارة الطفل هو وضع الطفل على جسم مامته عشان حرارته تتظبط.

و بيتم فحص المولود عشان التأكيد ان كل حاجة كويسة
في حاجة اسمها ابجار سكور اللي اقترحتها (فيرجينيا سكور) وهى سكور او معدل معين لـ فحص المولود بيدينا فكرة عن صحة الطفل العامة (لون جلده-سرعة تنفسه-سرعة نبضه-حركة العضلات-الاستجابة للمؤثرات ).

وفي علماء درسوا عملية الرضاعة الطبيعية فلو الأم لديها رغبة في الرضاعة الطبيعية وعشان تشوف هاتكون قادرة على الرضاعة المفروض انها ترضعه بعد الولادة مباشرة في حدود ساعة ولو الأم قدرت ترضع رضاعة صحيحة فده مؤشر كويس لقدرتها على الرضاعة.

وفي حاجات مهمة بتتعمل للطفل حديث الولادة وده بيختلف من بلد لبلد ومن مستشفى للتانية زي:
1)حقنة فيتامين ك وهى حقنة يتقي الطفل من النزيف الوليدي ودي متعارف عليها في أماكن كتير وبرضوا بيدوها في أمريكا .
2) مرهم العين المضاد الحيوي فهي بتقي من التهابات العين.
3) وفي أمريكا بيعملوا تحاليل للطفل زي الغدة الدرقية و تحاليل أمراض وراثية
4) وبعد الفترة الأولى بيتعمل فحص السمع للمولود.

 مقعد السيارة:
لو مقعد السيارة اتحط في وضع سليم بيقي من 70 % من الحوادث اللي ممكن تؤدي إلى إعاقات أو حالات وفاة لو متلزمناش بيها.ويوجد منه أنواع و أشكال مختلفة.

و الاكاديمية الأمريكية للأطفال بـ تشجع على حاجتين :
1) في أول سنتين من عمر الطفل يكون الكرسي باصص لورا حتى تزيد الحماية للطفل وحتى يزيد وزنه ل 10 كغم .
2) ولو كان يزيد عن سنتين و 10 كغم يقدر يقعد على كرسي باصص لقدام