رعاية الرضيع في الأسبوع الأول

نصائح عامة لـ الاهتمام بالرضيع في الأسبوع الأول:


1- النوم الكتير للأطفال حديثي الولادة ،المعدل الطبيعي للأطفال هو 20 ساعة في اليوم وبتكون غالبا أثناء اليوم و بيصحوا أكثر في فترة الليل.

2- بالنسبة للرضاعة الطفل بيرضع كل ساعتين ل 4 ساعات.

3-معدل التبول الطبيعي للرضيع بـ يتناسب مع أيام عمره مثلا اول يومين بعد الولادة لا نتوقع أكثر من حافظتين مبللتين ولكن ليس أقل من ذلك وتتزايد عدد مرات التبول مع عدد أيام عمره.

3-معدل التبول الطبيعي للرضيع بـ يتناسب مع أيام عمره مثلا اول يومين بعد الولادة لا نتوقع أكثر من حافظتين مبللتين ولكن ليس أقل من ذلك وتتزايد عدد مرات التبول مع عدد أيام عمره.

4-الإخراج:

 في انواع من حديثي الولادة بـ يحدث لهم عملية الإخراج بعد كل رضعة فده طبيعي وليس مضر وليس مؤشر بإنه يعاني من الإسهال, وفي أطفال ممكن تقعد يومين أو أكثر بدون اخراج وده برضو طبيعي طالما الاخراج مش ناشف أو بيخرج بصعوبة يبقى مفيش قلق

5-الحرارة لو كانت اكتر من 38 درجة مئوية فده مش طبيعي و كمان لو اقل من 36.3 درجة مئوية فده مش طبيعي للرضيع ,لو حصل أى حرارة للطفل لازم فورا التوجه للطبيب المعالج لأن الحرارة دي مؤشر لوجود التهاب خوفا من وجود التهاب السحايا والخوف منه بسبب ان الطفل الرضيع بـ تكون مناعته ضعيفة جدا و لأن الحائل الدموي الدماغي بيكون رقيق جدا عند الطفل الرضيع  فبيكون عرضة لالتهاب السحايا وده عواقبه وخيمة في السن ده

عشان كدا لازم التعامل مع الرضيع يكون بحذر وغسل اليدين كويس وعدم اتباع العادات السيئة في تقبيل الرضيع في فمه أو وجهه بشكل عام.
وبالنسبة لقياس الحرارة فأفضل منطقة لقياس الحرارة هى فتحة الشرج باستخدام ترمومتر يكون في البيت ويوضع عليه فازلين ويدخل في فتحة الشرج ليس أكثر من 1 سم.

6-مكان الحبل السري في الأول بيكون شكله مبلول وشبه مؤلم ولكن في الحقيقة هو خالي من الأعصاب والطفل مش بيحس بيه ,في خلال الأسبوعين الأولين بعد الولادة بينشف الحبل السري وبيبقي متحجر وهـ يبدأ يصغر لحد ما يتساقط  لوحده فبلاش الضغط عند منطقة الحبل السري ولا محتاجين ينضفوها بأى شكل ولا يقتربوا منها في وقت تغيير الحفاظة وعدم لبس ملابس ضيقة ولحد وقت مايسقط الحبل السري لم يستحم الطفل بكامل جسمه في المياه يتم تنظيفه بفوطة مبللة حتى لا يتسبب التهاب في الحبل السري وأعراض الالتهاب هى الاحمرار,افرازات,رائحة كريهة,الورم وأعراض أخرى .

بعد تساقط الحبل السري بعض الأطفال بـ يكون عندهم نتوء ولا داعي للقلق فهو هـ يختفي لوحده في خلال أول سنة من عمر الرضيع تقريبا ولكن لو وصل لسن 5 سنوات ومازال يوجد النتوء ممكن نلجأ لعملية في ذلك الوقت .