من الشهر التالت إلى الشهر السادس (يتسمى شهر العسل في الحمل )

-لأن الهرمونات بتستقر وبالتالي القئ بـ يقل عن الأول .
-الرحم بيكبر بدلا من انه بيكون في الحوض فقط وتبدأ الست تشعر بأنها حامل وده بيخليها مبسوطة وكمان مع المتابعة مع الطبيب تقدر تسمع دقات قلب الجنين و ده بيعكس سعادة على الأم .

-وفي الشهر الرابع تقدر تعرف نوع الجنين أذا كان ولد أو بنت وبيبتدى هنا التسوق للجنين وده بيزود حالة الانبساط .
-في زيارات الطبيب يبدأ يقيس الضغط ويتابع البول ويتأكد ان كل حاجة تمام.

-ممكن يحصل هبوط في الضغط أو دوخة فلو حسيتي بنوبة دوخة ممكن تقعدي وتنزلي راسك لتحت ولو قاعدة نامي وارفعي رجلك عشان الدم يوصل للمخ.-نسبة الدم في جسم الست الحامل بـ يزيد بنسبة 45% فنبضات القلب بتزيد وبتكون بسرعة وده شئ طبيعي .

-زيادة الوزن في المرحلة دى بتكون بمعدل نصف كيلو في الأسبوع وبتختلف من ست لأخرى.
-تغييرات في الجلد زي الكلف في منطقة الوجه والبطن وبيكون في علامات تمدد في البطن وده بيحتاج للترطيب من الأفضل استخدام منتجات طبيعية زي زيت الزيتون وزبدة الكاكاو.

-التعرض للشمس من الأفضل تجنبها عشان متزودش البقع والكلف، استخدام واقي شمس.
-الرحم لما بيكبر بيطلع في البطن وده بـ يضغط على منطقة الحوض وده بيزود الافرازات وده طبيعي ولكن لو في ألم من الأفضل استشارة الطبيب .

-نتيجة لزيادة الدم في الجسم ووصول الدم لأنحاء الجسم كلها فـ ممكن يحصل احمرار كفوف اليدين وتورم الرجلين.
-اهتمام الطبيب بقياس الضغط والبول في مرحلة الحمل مهم جدا.
لأن بعض الستات ممكن يجيلها ضغط حمل أو تسمم حمل.