المرحلة التالتة في الحمل

-أعراض المرحلة التالتة بتكون متشابهة مع المرحلة الثانية.
-الرحم بـ يستمر في التوسع وبيكبر.
-متوسط الوزن اللي الست بتزيده تقريبا من 11 ل 16 كيلو في الحمل.
-لما الرحم يكبر ويضغط على المهبل والمثانة ممكن يتسبب في إمساك ويزود نسبة حدوث البواسير.
وتحاولي تجنب الإمساك بـ شرب المياه وتناول الطعام الغني بالألياف.

 

-الرحم كمان بيضغط على المعدة فالست مش بتقدر تاكل كتير فمن الأفضل تكون وجبات صغيرة متكررة.
وبيحصل انتفاخ وتورم في الرجلين فمن الأفضل تقليل الملح في الطعام.
-تجلط الدم برضو مشكلة خطيرة يتعرض لها الست الحامل لو حصل تورم في قدم غير القدم الأخرى أو احمرار في الأطراف أو حدوث ألم ممكن يكون في حدوث جلطة ويجب استشارة الطبيب المعالج.

 

-ضغط الحمل بيكون أكثر انتشارا في الحمل الأول ويظهر بعد 20 أسبوع من الحمل أي في الشهر السادس فعشان كده مهم جدا متابعة الضغط ومراقبة الملح في الطعام.
ولو الضغط زاد عن معدل معين بيتعالج من دوا من الطبيب عشان ضغط الحمل بـ يؤثر سلبيا على الأم والجنين.
وضغط الحمل ممكن يؤدي إلى تسمم حمل وعواقبه وخيمة جدا وتكون المتابعة مع الطبيب بشكل دوري افضل.

 

-سكر الحمل الست بتكون عرضة للإصابة بسكر الحمل نتيجة أسباب وراثية أو زيادة مفرطة في الوزن أو أكل وشرب كميات كبيرة من النشويات وحلويات.
-وده بيحصل نتيجة ارتفاع هرمون ( ه ب ل ) وده هرمون بـ تفرزه المشيمة وعشان كدة سكر الحمل من الحاجات اللي بتظهر في الفترة التانية والتالتة للحمل وعادة مش بتظهر في الفترة الأولى.

 

يجب استشارة الطبيب المعالج لو يوجد ضرورة لتناول الانسولين للسيطرة عليه لتجنب أي اعراض أو مضاعفات للأم والطفل في هذه المرحلة.
-فقر الدم (الأنيميا) في فترة الحمل
ممكن السبب يكون عدم اهتمام السيدة بالأكل الصحي اللي جسمها والجنين محتاجه وممكن نتجنبها بالأكل السليم الطازج والخضروات الطازجة.

 

- (بكتيريا جروب ب ستربت )يجب فحص الأم للتأكد من عدم وجود البكتيريا دي وهي بكتيريا ليس لها أي ضرر أو منفعة وهى تعيش في مهبل السيدة الحامل وهى تصاب به 25% من السيدات الحوامل

الضرر بيكون في وقت الولادة لما الجنين بينزل في مجرى الولادة ممكن يكتسب البكتيريا دي من الأم وممكن تسبب له التهابات زي التهاب السحايا وهي أعراضه وخيمة عشان كدا يتم فحص الأم في الأسبوع (35 -36)في نهاية المرحلة الثالثة من الحمل .

ولو عندها بتاخد مضاد حيوي قبل الولادة وده بيمنع من انتقال البكتيريا من الأم للجنين أثناء الولادة