بتحصل تغيرات وأعراض مزعجة للسيدة  فى المرحلة الأولى في الحمل ولكنها مرحلة مؤقتة :
-أول أسابيع في الحمل بيكون عندها احساس بالقئ جامد وده نتيجة
1) (هرمون بيتا ه س ج ) بـ يفرز من الجسم الأصفر الموجود في المبيض
ووظيفته: يغذي الحمل ولحد لما المشيمة تتكون والهرمون ده بيعلى بمعدل سريع في جسم الست وده بيخليها تحس بالقئ والشعور بالتعب والنوم برضو وممكن تنام 15 ساعة في اليوم ولما تصحى بتحس برضو انها مش مرتاحة.
-واحساس بالقئ برضو بيكون متعب جدا بس ممكن تتجنبي ده بإنك تاكلي وجبات صغيرة متكررة.

الأكل اللي فيه بروتينات بيثبت في المعدة اكتر عكس النشويات بتكون مريحة أكثر
شرب السوائل مهم جدا لأن الجفاف نفسه ممكن يزود احساس القئ
ومن الأفضل تجنب الحار,الحامض,المقليات والروائح القوية.

2) (هرمون الاستروجين) في الحمل عموما بـ يفرز بكثرة يؤدى الى :
تغيرات مزاجية زى زعل وعياط واكتئاب ويزيد حساسية منطقة الصدر ويسبب ألم فيها.

3) (هرمون البروجيسترون) وده بيأثر على الجهاز الهضمي بـ يعطل حركة الجهاز الهضمي من أوله وأخره وده بيزود الاحساس بالقئ,الحموضة,الإمساك وده بيزود مشكلة البواسير.
-الرياضة في الحمل شيء طبيعي جدا انك تمارسيها لو متعودة عليها وهى أفضل من من عدم الحركة للسيدة الحامل.

-العلاقات الزوجية :لو مافيش أعراض تعب شديدة للست مافيش ضرر منها في الحمل.

-الأكل غير المطبوخ زى اللانشون والسوشي بيكون فيه بكتيريا يؤثر سلبيا على الحمل.

الأسماك:تجنب الأسماك الكبيرة زى سمكة التونة عشان ممكن يتركز فيه شوائب زي الزئبق..ممكن تناول أسماك صغيرة ولكن ليست بكثرة ممكن مرة في الأسبوع.

الألبان والجبن:لازم تتأكد انها متوترة.
-لو القئ نسبته زادت عن 5 أو 6 مرات في اليوم في بداية الحمل من الأفضل المتابعة مع طبيبك المعالج لأن المعدل ده ممكن يؤدي الى جفاف وده هيأثر على الأم والجنين

-السعرات الحرارية للسيدة في الحمل بتكون مش كتيرة عن الطبيعي في بداية الحمل ومتزودش سعرات زيادة حتى لا يؤدي الى السمنة ف الحمل.