1) الدورة الدموية
هرمونات الحمل بتخلي الجسم يعبي مياه كثيرة في الجسم بعد الولادة على الطول
الجسم يتخلص من المياه دي في شكل البول وممكن في الفترة دي جسمها ينقص حوالي 6 كيلو مياه ولكنها تقدر تعوض جسمها بشرب كمية كافية من المياه عشان ميحصلش دوخة .

2) فقر الدم
فقر الدم كمان بـ يؤدي الى الدوخة وهو خسران دم كتير اثناء الولادة وبعد الولادة وده يتطلب تغذية جيدة زي الخضراوات والفواكه واللحوم الحمراء.
البروتين مهم جدا للست في الفترة دي بعد الوضع وخصوصا لو بترضع عشان تسترد صحتها بعد الحمل والولادة والرضاعة عشان تغذي المولود كمان.

الفيتامينات كمان مهمة جدا بعد الوضع وينصح السيدات بتناول فيتامينات ما في فترة الحمل حتى بعد الوضع وأهم فيتامين هو (فيتامين د) ستات كتير بتعاني من نقصانه في الجسم.

3) حجم الرحم
حاجات مقلقة للسيدات ان حجم الرحم بعد الولادة بيفضل كبير زي حجم الحمل في الشهر السادس تقريبا.
وبتخاف من حجم البطن انها تفضل كبيرة للأبد بس طبعا حجم الرحم هيقل وشكل البطن هيرجع للشكل الطبيعي ويحدث تقلصات للرحم مرة أخرى تشبه آلام الدورة الشهرية.
وحجم الرحم في الوقت ده نظرا لكبر حجمه فهو ممكن يضغط على المثانة وده بيخليها لديها رغبة في التبول.

4) تغييرات في البول
نتيجة لحجم الرحم والضغط على المثانة ممكن تشعر بعدم التحكم في البول وده أمر مزعج للسيدات في الفترة ما بعد الولادة.

5) تغييرات في الإخراج
يحدث تغييرات في القولون وده بيسبب امساك اللي بيحصل بسبب
 نقص المياه
الأكل غير المنتظم
الورم في المنطقة السفلية

الرعاية بعد الولادة الطبيعية مقارنة بالرعاية بعد الولادة القيصرية

-بيحصل نزيف أو نزول الدم أكثر عند السيدات بعد الولادة الطبيعية.
-بعد الولادة الطبيعية الست بتقدر تتحرك وتقوم أسرع من الولادة القيصرية.
-أما بعد الولادة القيصرية نتيجة المسكنات والأدوية اللي بتكون تعبانة أكتر وبتنام أكتر ومجهودها اقل وبتعاني إمساك بسبب الأدوية.

3-حاجات مهمة للولادة القيصرية:

1) الحركة
كل ماتتحرك بدري وتقوم من السرير بدري كل ماكان مفيد للأم انها تحس انها رجعت لحياتها الطبيعية بدري.

2) الحمل
متشلش حاجات تقيلة طبعا لوجود الجرح وشد البطن ممكن يسبب فتئ في مكان الجرح فـ متشلش حاجة اتقل من طفلها.

3) الرياضة
تقدر تمارس رياضة لكن تكون رياضة خفيفة وتكون بعيدة عن منطقة البطن عشان ميحصلش فتئ في الجرح فمن الأفضل الانتظار لمدة 6-8 أسابيع

للتأكد من سلامة الجرح الولادة القيصرية

حزام شد البطن:
ممكن تلبسيه لو هى مرتاحة فيه بس مافيش دراسات اثبتت ان حزام شد البطن بيعيد البطن لشكلها الطبيعي قبل الحمل ولكن لو انتي مرتاحة بلبسه مافيش مشكلة.